Finanzamt


Wat han se mich all ussjelacht,

wie ich mich für dich plattjemaat

6 Daach am Stöck, 12 Stunde lang,

op de Knie, vorm maloche nit bang

Se meinte all, do bess doch jeck,

bei Staub und Knies, im Schutt un Dreck

För dich han ich dat jähn jemaat

Dat es ming Pflich, han ich immer jesaat

 

   Driev mich aan,

   mach mir et Lääve Angs un Bang

   Schlach mich duut,

   met dir kumme ich doch nur zo koot

 

Wat do verbrätz, verplans, verstecks

För Driss dat Jeld zom Finster eruss wirfs

Wat ich mir hann, hart affjespaart

Nimms do mir dann un klopps et in d´r Tonn

Saach häs do dir schon üverlaat,

wie lang ich dat noch met dir maach

Hat niemols dat Jeföhl bei dir,

dat kreje mer hin, lommer ens sinn

 

   Driev mich aan, …

 

Lääve Lääve, un lääve losse

häs do nie bejriffe, do häs mich injeschlosse,

im Ablarefach unger B wie blöd

Laachs nur över mich, un ich mach fleißich met

Jetz es et su wigg, dat Johr es vorbei

un ich han och paar Jrosche för dich dobei

Do driehs dich heröm un froochs mich worüm

Dat alles es? – Jung halt dich jetz jot fess

 

                                    

   Driev mich aan, …